寧波是一個歷史文化名城，文化底蘊十分深厚，在長期的生產鬥爭和生活實踐中，不僅探索和創造了寧波方言，而且還創造了不少寧波方言諺語。這些寧波方言諺語，不僅具有獨立無二的寧波特色，是其它地方所沒有，不僅讀起來朗朗上口，生動形象，栩栩如生，而且種類也十分豐富。
　　故鄉類：金窠銀窠，弗如自家草窠。親弗親，家鄉人；甜勿甜，家鄉米。同鄉三分鄰，同姓三分親。天下各省都走過，除了蘇杭算寧波。走過三關六碼頭，吃過奉化芋艿頭。走遍天下，勿如寧波江廈。無寧不成市，無紹不成衙。寧波熟，一餐粥。灣頭田勿落空，拔出蘿蔔就種蔥。請吃酒，掗拜生。新婦三日嘸大小。若要夫妻同到老，梁山伯廟到一到。立秋西瓜祓祓秋。八月十六度中秋。鴨肉骨頭水汆糕，八月十六等弗到。儇儇個，明朝拔儂吃雞灶果。蜘蛛宕落來，人客就要來。杯筷多放，有客來訪。灘簧小戲演十出，十個寡婦九改節。天要落雨娘（姑娘）要嫁。銅鑼響，腳底癢。長看戲，矮吃屁。看戲看到背台板等。
　　家庭類：家和萬事興，家亂賊走進。種田要好秧，養兒要好娘。爹娘團圓兒孫福。寧可死做官爹，弗可死討飯娘。六月日頭，晚娘拳頭。吃奶弗如摸奶親。老婆香，忘記娘。天亮飽一日飽，老婆抬著一世好。生意做弗著一遭，老婆抬弗著一世。男怕入錯行，女怕嫁錯郎。只要老公好，苦苦也嘸告。家常便飯粗布衣，知冷知曖是夫妻。夫妻和睦家業興，夫妻弗和睏寧。拳頭打出外，手臂挽進裡。田要買東鄉，兒子要親生。肚弗痛，肉弗親。自生自值鈿，癩頭兒子自中意。自養自值鈿，調一弗歡喜。三代弗出舅家門。小人洋皮皮，大人弗歡喜。三歲打娘娘會笑，廿歲打娘娘上吊。廿歲囡弗由娘，廿歲兒子弗由爹。女婿是嬌客，重言重語說弗得。兒孝弗如新婦孝，囡孝弗如女婿孝。丈姆看女婿，越看越中意等。
　　生活類：三分人，七分扮。蘇州頭，楊州腳，寧波女人好紮括。年輕弗美，老了後悔。人是鐵飯是鋼，儂弗吃其要怏。會寫弗論筆，會吃弗論食。好吃就是補。飯吃三碗，閑帳弗管。面孔老老，肚皮飽飽。海裡三樣蔬，海帶、紫菜、苔條。地裡三樣葷：韭菜、大蒜、蔥。清明螺壯如鵝。天上斑鳩，地下泥鰍。好看紅綠，好吃魚肉。魚吃跳，豬吃叫。老酒喝喝，雞肉派派（音拍）。南風吹吹，燒酒注注。老酒糯米做，吃落閒話多。燒酒夾老酒，吃了打娘舅。頭汁苦，二汁補、三汁倒馬路（指沏茶）。出門要帶小雞鈿。路在嘴巴裡。問路弗施禮，多走十幾裡。少吃多滋味，多吃壞肚皮。一頓吃傷，十頓喝湯。熱飯冷茶淘，爹做郎中醫弗好。早飯要吃飽，晝飯要吃好，夜飯要吃少。熱弗馬上脫衣，冷弗馬上著棉。睏前燙燙腳，勝吃安眠藥。尿急要做病，屙急要喪命。弗氣弗愁，活到白頭。傷筋動骨一百二十天。手痛要絡，腳痛要擱。冬補十進九，夏補隨汗流等。
　　社交類：一個手掌打不響，一塊磚頭難打牆。人多好用力，人缺好吃食。手一搖，人一潮。三十過，四十來，雙手招郎郎弗來。千揀萬揀，揀一嘸底爛盞。竹竿挑水後頭長，孤孀嫁人趁後生。小來外婆家，中年丈姆家，老年女兒家。娘舅大石頭，講話獨句頭。遠親弗如近鄰，近鄰弗如隔壁。隔壁做官，大家歡喜，隔壁做賊，大家嚇熬。老湊老，講講有味道。老老來走走，弗用挈包頭。人情急如債，鑊爿挈出賣。人情做到底，送佛送西天。借傘弗用謝，只要哴過夜。借來船不撞，等於船白撐。有借有還，再借弗難。蝦有蝦路，蟹有蟹路。說話弗要錦上添花，講壞話弗要節外生枝。牙齒出斬齊，講話要做忌。舌頭嘸骨，隨彎隨闊。講講神仙阿爸，做做死蟹一隻。少講為妙，多講傷料。人像螄螺，閒話甚多。寧可聽蘇州人相罵，弗可聽寧波人講話。老人弗講古，後生會失譜等。
　　行業類：人誤田一時，田誤人一年。白露白米米，秋分稻頭齊。百粒芝麻地頭攤，收攏起來一大攤。養了三年蝕本豬，好勒稻田弗得知。貨問三家弗吃虧，路走三遍弗生頭。和氣生財，生意會來。天下三主，頂大買主。還價真買主。春天生意實難做，一頭行李一頭貨。木匠走進三日燒，泥水走進三日挑等。
　　社會類：家弗和要窮，國弗和要亡。瘟官多告示。官大一品壓煞人。弗怕官，只怕管。有銅鈿掙家計，嘸銅鈿掙年紀。好看難為錢。有了千錢想萬錢，做了皇帝想成仙。鴨多蛋多，量大福大。弗貪財，禍弗來。出道是你早，運道是我好等。
　　自然類：雷響驚蟄前，四十九天弗見天。清明要明，穀雨要雨。上半個月看初三，下半個月看十四。冬至月底，賣牛買被。冬至月頭，賣被買牛；冬至月中，日風夜風。吃過端午粽，還要凍三凍。遠望海水青，天青必定晴。熱熱中伏，冷冷三九。八月桂花蒸，十月小陽春。冬至睡夜裡，夏至做白天等。
　　修養類：弗怕別人看不起，只怕自己弗爭氣。人窮志氣高，弗好也會好。弗聽老人言，吃苦在眼前。勤力弗會沒事做，懶漢就要嘸凳坐。爹有弗如娘有，娘有弗如懷裡有。活到老，做到老，學到老，還有三樣沒學到。吃弗窮，穿弗窮，算著弗好一世窮。嘸事勿可膽大，有事勿可膽小。心要擺勒當中，腳要踏勒路中。心正弗怕影斜，猛火弗怕濕柴。少來弗學，老來上吊。走弗完路，讀弗完書等。
　　事理類：燈弗點弗亮，理弗辯弗明。勸架弗能勸一面，聽話弗能聽一邊。閒話講道理，帶魚吃肚皮。認理弗認人，幫理弗幫親。六十勿留宿，七十勿留食。小洞弗補，大洞叫苦。家有千金，弗如日進分文。會叫黃狗弗咬人。暴吃饅頭三口生。禮拜弗過三，過三就轉彎。養兒方知娘身苦。吃回苦頭學會儇等。
　　諷喻類：魂靈弗生，只會拖羹。自己出屁股，還講人家穿短褲。等儂得知，外甥八歲。貪賤買老牛，一年倒兩頭。好心犯惡意，吐血來弗齊。貪小失大，貪嘴落夜。有力弗可硬撐，有勢弗可盡行。三個廚工殺穀猛。腳娘肚彈琵琶。大頭賺弗來，小頭眼弗開。爛鼻頭管裝正經。百病好醫，賤骨難醫等。
　　這些形象生動而富有哲理的寧波方言諺語，是寧波深厚文化底蘊的體現。

(鐘一凡/寧波江北)